|
Die originale Dorflitanei von Stauf 2005
Van Bura drum des
loats eich song
Deii hom a
Musikkapelln und des scho in da 3. Generation
A su a drum Haus
wos sich da Weiherer hot baut,
do hot selbst da
AltOB Alois Karl gschaut.
Da Friedlhannes is a
musikalisch glaubts mas es is wor,
den der singt fei
scho etliche Johr im Kirchenchor.
Beim Beckn dream san
sehr fleißige Leid,
sechta finst fei
nemma fü heid.
Owacht doa kummt fei
da Ballas gforn,
der hot fei sei Hei
meistens als erschta dahorm.
Beim Finken druntn
mei de san fei schlau,
de wissen über allas
bescheid und des fei ganz genau.
Des Stichanwesen is
fei nunet fakumma,
wa des a Wunda des
hot ja a da Weiherer üwanumma.
Da Nachba da
Metzgahanas hot se Freiüjahs a ganz scheih gschundn,
der is damals scho
gfohrn mit seim Bulldog 6. km in da Stundn.
Die Grüawlas ihr
Leid ihr werdses ned glam,
worn früahs Moaster
im Erbirnglam
Beim Wirt seim Huf
is blos nu da Stodl doa,
dafür homs eatz a
Zimmerei und kumma mit da Orwat nemma nau.
Da greaste und
stolzeste Staffer Bauer,
des wor wias a jeda
woas da Oltnbaua.
In eire Kannen is
Käse des wurde den gschlaperten Bauern die a Müch gliefat hom gsagt,
den da Hornlsepp hod
freias des Müchheisl kabt.
Da Bahanas druntn
hod a afkehrt des is allahand,
owa dafür is a eatz
unsa Feierwehrvorstand.
Beim Racklanwesen
des is doch klar,
bezeugt nur no da
Stodl das don amol a bäuerliches Anwesen war.
Dem Gumbauan hod da
Wewa zvül in sein Hof eine gschaut,
drum hodse da
Gumbaua zum Schutz a Mauan hibaut.
In Wewa sei Hof
steit mitten im Ort,
bei dehne geits
weida de setzn de landwirschaftliche Tradition fort.
Da Härtl a da Zipf
genannt,
der is af jedenfall
für seine guadn Erbürn bekannt.
Da Storl drumma des
is a allen bekannt,
der is fei da druntn
mitn Zipf vawandt.
In Ouznbeida sei Huf
is a Pfundich boranand,
wars a Wunda er wor
ja lang Bauanvabandsvorstand.
Da Süppe drunt hot
umgstöht fa Keüh af Sai,
wer des nu nird
mitkreigt hod mirkts spatestens am Gschreih.
Beim Setza drunt wor
da Alies da letzt,
Deris nu mit seim
Gaul gfohrn, hot se bestimmt nird oketzt.
Unsa letzta
Bürgamoasta wurde da Heigowa gnannt,
hod eatz umgstöht af
Bio is im ganzn Landkreis bekannt.
Eatz homa a nu den
Spolkn drunt der is a jedam Staffa bekannt,
den er wor Jahre
lang unsa Feijawehrkomandant.
Da Pröpsta a da
Drahanna genannt,
de sa durch ihren
Bada und ihre Gesundheit bekannt.
Da Frankschosch hod
a Groaßfamilie genau,
drumm schlacht er
meißt a a 3ein halb Zentner Sau.
Dirnhofer
Theodor
03.11.2005
|
